دا شعب فقري - [ الفاجومي ] احمد فؤاد نجم

دا شعب فقري - [ الفاجومي ] احمد فؤاد نجم

قبل ما أي حد يقول لحسني مبارك امشي .. قالهاله عم نجم من زماااااااااااااااااااااااااان

نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى

اذا الشمس غرقت - [ الفاجومي ] احمد فؤاد نجم

اذا الشمس غرقت - [ الفاجومي ] احمد فؤاد نجم

كلمات الفاجومي و غناء الشيخ إمام عيسى

إذا الشمس غرقت

في بحر الغمام

ومدت على الدنيا موجة ظلام

ومات البصر

في العيون والبصاير

وغاب الطريق

في الخطوط والدواير

يا ساير يا داير

يا ابو المفهومية

مفيش لك دليل

غير عيون الكلام

يا فلسطينية - [ الفاجومي ] أحمد فؤاد نجم

يا فلسطينية - [ الفاجومي ] أحمد فؤاد نجم

كلمات أحمد فؤاد نجم - غناء الشيخ إمام عيسى

يا فلسطينية و البندقاني رماكو ..

بالصهيونية تقتل حمامكو فِ حماكو

يا فلسطينية و أنا بدي أسافر حداكو

ناري بإيديا و إيديا تنزل معاكو

على راس الحية و تموت شريعة هولاكو

عطشان يا صبايا - [ الفاجومي ] أحمد فؤاد نجم

عطشان يا صبايا - [ الفاجومي ] أحمد فؤاد نجم

كلمات أحمد فؤاد نجم - غناء الشيخ إمام عيسى

عطشان يا صبايا
وانا عاشق .. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل

البحر بيضحك ليه - [ الفاجومي ] أحمد فؤاد نجم

البحر بيضحك ليه - [ الفاجومي ] أحمد فؤاد نجم

كلمات أحمد فؤاد نجم - غناء الشيخ إمام عيسى

البحر بيضحك ليه

وانا نازله ادلع املا القلل
 

البحر غضبان ما بيضحكش

أصل الحكاية ما تضحكش

البحر جرحه ما بيدبلش

وجرحنا ولا عمره دبل

اتجمعوا العشاق - [ الفاجومي ] أحمد فؤاد نجم

اتجمعوا العشاق - [ الفاجومي ] أحمد فؤاد نجم

كلمات أحمد فؤاد نجم - غناء الشيخ إمام

اتجمعوا العشاق في سجن القلعة ... اتجمعوا العشاق في باب الخلق

و الشمس غنوة من الزنازن طالعة .. و مصر غنوة مفرعة في الحلق

تجمعوا العشاق بالزنزانة .... مهما يطول السجن مهما القهر

مهما يزيد الفجر بالسجانة .. مين اللي يقدر ساعة يحبس مصر

يا عرب - [ الفاجومي ] احمد فؤاد نجم

يا عرب - [ الفاجومي ] احمد فؤاد نجم

كلمات الشاعر المصري أحمد فؤاد نجم .. و غناء الشيخ إمام

يا عرب .. يا عرب .. يا عرب في أي مصر

يا عرب .. يا عرب .. اسمعوا صوت شعب مصر

أحفظوا لمصر المكان .. و احنا عالعهد اللي كان

مصر أوفى من الزمان ..
 
و انتو عارفين شعب مصر

يا عرب يا عرب يا أهل مصر

حاجة تقرف حاجة تغيظ

حاجة تقرف حاجة تغيظ

فعلا بقت حاجة تغيظ

نمسك الموضوع م الأول  .....

الشعب المصري العظيم قرّر يخرج في ثورة شعبية ..

ليه؟

- عشان يعدل الاوضاع و يثور على الظلم

خلاص يا جماعة الوزارة استقالت

- لا عاوزين حل مجلس الشعب و الشورى

خلاص يا جماعة المحكمة هتفصل في الطعون

- لا عاوزين انتخابات نزيهة

خلاص يا جماعة مش هرشح نفسي ولا ابني

- لا عاوزينك انت تمشي

طيب بعد الانتخابات !!

- لا تمشي دلوقتي

طيب امشي اروح فين

- معرفش بس تمشي

طيب افهم

- لا تمشي

طيب البلد هتبوظ

- مش مهم بس تمشي

طيب ينفع امشي و آجي تاني؟

- آه بس تمشي

خلاص خلاص همشي .. سلامو عليكو

- هييييييييييييييييييييييييييييييييييييه

مش باقي مني - جمال بخيت

مش باقي مني - جمال بخيت

جمال بخيت

مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي
بين الحياة والموت
مش باقي مني غير شوية نبض ف عروقي
خُدي.. وعيشي..
وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النار
هاشتاق إلي ضحكتك
وقعدتي ف الدار
والقهوة متحوجة
من طيبة العطار..

قصيدة ارفع راسك فوق انت مصري - جمال بخيت You're EgYpTiaN

قصيدة ارفع راسك فوق انت مصري - جمال بخيت You're EgYpTiaN

جمال بخيت

ارفع راسك فوق

انت مصرى

ارفع راسك فوق

بلدك طالعة لفوق

ياللى كسرت الطوق

ياللى جبت نصرى

■ ■ ■

ارفع راسك همة

على اسم مصر - للراحل صلاح جاهين

على اسم مصر - للراحل صلاح جاهين

صلاح جاهين

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

ولنبض ينفض عروقي بألف نغمة وضرب

مصر ياما يا بهية - [ الفاجومي ] احمد فؤاد نجم

مصر ياما يا بهية - [ الفاجومي ] احمد فؤاد نجم 

كلمات أحمد فؤاد نجم - غناء الشيخ إمام

الاغنية بصوت الشيخ إمام


يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى


عن ارض سمرا و قمرة

و ضفه و نهر و مراكب


و رفاق مسيرة عسيرة

و صورة حشد

و مواكب

ف عيون صبية بهية

عليها الكلمة و المعنى

************

مصر يا امّة يا بهية

يام طرحة و جلابية

الزمن شاب و انتي شابة

قصيدة الواد كبر - الشاعر جمال بخيت

قصيدة الواد كبر - الشاعر جمال بخيت

تقول القصيدة: "من خطبة معاوية بن أبى سفيان فى عيد ميلاد ابنه يزيد السادس عشر"
الواد كبر
ابنى العظيم ابنى الجميل
ابنى اللى قادر ينتصر على المستحيل
الدنيا قاعدة ف مجلسه
وله مهابه يحسها كل البشر
اللى ف حضوره اتعطروا
واللى ف هواه اتنفسوا
كل الكبار .. ولاّ الصغار
لو قربوله ..
بيهمسوا
كلماته شعر
مفتى .. وعالم عبقرى
كوم التراب يصبح دهب
لو لمسه واحدة يلمسه